Sanskrit Pronunciation Guide

Sādhana Pādaḥ

1. Tapaḥ-svādhyāyeśvara-praṇidhānāni kriyā-yogaḥ
   


2. Samādhi-bhāvanārthaḥ kleśa-tanū-karaṇārthaś ca
   


3. Avidyāsmitā-rāga-dveṣābhiniveśāḥ kleśāḥ
   


4. Avidyā kṣetram uttareṣām prasupta-tanu-vicchinnodārāṇām
   


5. Anityāśuci-duḥkhānātmasu nitya-śuci-sukhātma-khyātir avidyā
   


6. Dṛg-darśana-śaktyor ekātmatevāsmitā
   


7. Sukhānuśayī rāgaḥ
   


8. Duḥkhānuśayī dveṣaḥ
   


9. Sva-rasa-vāhī viduṣo ‘pi tathārūḍho ‘bhiniveśaḥ
   


10. Te pratiprasava-heyāḥ sūkṣmāḥ
    


11. Dhyāna-heyās tad-vṛttayaḥ
    


12. Kleśa-mūlaḥ karmāśayo dṛṣṭādṛṣṭa-janma-vedanīyaḥ
    


13. Sati mūle tad-vipāko jātyāyur-bhogāḥ
    


14. Te hlāda-paritāpa-phalāḥ puṇyāpuṇya-hetutvāt
    


15. Pariṇāma-tāpa-saṁskāra-duḥkhair guṇa-vṛtti-virodhāc ca duḥkham eva sarvam vivekinaḥ
    


16. Heyaṁ duḥkham anāgatam
    


17. Draṣṭṛ-dṛśyayoḥ saṁyogo heya-hetuḥ
    


18. Prakāśa-kriyā-sthiti-śīlaṁ bhūtendriyātmakaṁ bhogāpavargārthaṁ dṛśyam
    


19. Viśeṣāviśeṣa-liṅgamātrāliṅgāni guṇa-parvāṇi
    


20. Draṣṭā dṛśi-mātraḥ śuddho ‘pi pratyayānupaśyaḥ
    


21. Tad-artha eva dṛśyasyātmā
    


22. Kṛtārtham prati naṣṭam apyanaṣṭaṁ tad anya-sādhāraṇatvāt
    


23. Sva-svāmi-śaktyoḥ svarūpopalabdhi-hetuḥ saṁyogaḥ
    


24. Tasya hetur avidyā
    


25. Tad-abhāvāt saṁyogābhāvo hānaṁ tad-dṛśeḥ kaivalyam
    


26. Viveka-khyātir aviplavā hānopāyaḥ
    


27. Tasya saptadhā prānta-bhūmiḥ prajñā
    


28. Yogāṅgānuṣṭhānād aśuddhi-kṣaye jñāna-dīptir āviveka-khyāteḥ
    


29. Yama-niyamāsana-prāṇāyāma-pratyāhāra-dhāraṇā-dhyāna-samādhayo ‘ṣṭāv aṅgāni
    


30. Ahimsā-satyāsteya-brahmacaryāparigrahā yamāḥ
    


31. Ete jāti-deśa-kāla-samayānavacchinnāḥ sārva-bhaumā mahāvratam
    


32. śauca-santoṣa-tapaḥ-svādhyāyeśvara-praṇidhānāni niyamāḥ
    


33. Vitarka-bādhane pratipakṣa-bhāvanam
    


34. Vitarkā himsādayaḥ kṛta-kāritānumoditā lobha-krodha-moha-pūrvakā mṛdu-madhyādhimātrā Duḥkhājñānānanta-phalā iti pratipakṣa-bhāvanam
    


35. Ahimsā-pratiṣṭhāyāṁ tat-sannidhau vaira-tyāgaḥ
    


36. Satya-pratiṣṭhāyāṁ kriyā-phalāśrayatvam
    


37. Asteya-pratiṣṭhāyāṁ sarva-ratnopasthānam
    


38. Brahmacarya-pratiṣṭhāyāṁ vīrya-lābhaḥ
    


39. Aparigraha-sthairye janma-kathantā-sambodhaḥ
    


40. śaucāt svāṅga-jugupsā parair asansargaḥ
    


41. Sattva-śuddhi-saumanasyaikāgryendriya-jayātma-darśana-yogyatvāni ca
    


42. Santoṣād anuttamaḥ sukha-lābhaḥ
    


43. Kāyendriya-siddhir aśuddhi-kṣayāt tapasaḥ
    


44. Svādhyāyād iṣṭa-devatā-samprayogaḥ
    


45. Samādhi-siddhir īśvara-praṇidhānāt
    


46. Sthira-sukham āsanam
    


47. Prayatna-śaithilyānanta-samāpattibhyām
    


48. Tato dvandvānabhighātaḥ
    


49. Tasmin sati śvāsa-praśvāsayor gati-vicchedaḥ prāṇāyāmaḥ
    


50. Bāhyābhyantara-stambha-vṛttir deśa-kāla-saṅkhyābhiḥ-paridṛṣṭo dīrgha-sūkṣmaḥ
    


51. Bāhyābhyantara-viṣayākṣepī caturthaḥ
    


52. Tataḥ kṣīyate prakāśāvaraṇam
    


53. Dhāraṇāsu ca yogyatā manasaḥ
    


54. Sva-viṣayāsamprayoge cittasya svarūpānukāra ivendriyāṇām pratyāhāraḥ
    


55. Tataḥ paramā vaśyatendriyāṇām